Një shtetas i Maqedonisë në moshën 25 vjeç ka humbur jetën në aksidentin e rëndë që ka ndodhur të dielën në tunelin Tauren në Austri.
Sipas mediave austriake, deri tek aksidenti ka ardhur kur makina e tipit BMË ku gjendej viktima është përplasur në murin e tunelit. Policia austriake theksoi se makina po shkonte me shpejtësi prej 160 – 180 km/h. Identiteti i shtetasit të Maqedonisë akoma nuk është zbardhur nga autoritetet austriake, ndërsa akoma nuk dihen edhe shkaqet që çuan tek ky aksident i rëndë.
Në makinë ka qenë edhe një shtetas bullgar, 39 vjeçar, i cili ka pësuar me lëndime trupore, mirëpo që kishte arritur të informojë policinë austriake për aksidentin. Policia ka dyshuar në deklaratat e tij, pasi që gjatë kontrollit të tij të testit alkoolik është konstatuar prania e alkoolit në gjak me 1,5 promila. Dyshimet janë se bullgari mund të ketë drejtuar makinën. (INA)
No comments:
Post a Comment