Ish-kryeministri i Maqedonisë, Vllado Buçkovski ka deklaruar se vrasja e 11 ushtarëve maqedonas në një pritë 11 vite më parë në lokalitetin Karpallak në autostradën Shkup – Tetovë ishte një tentim për të minuar arritjen e Marrëveshjes së Ohrit.
Vrasja e ushtarëve maqedonas në një autobus që ishte pjesë e një karvani ushtarak në Karpallak më 8 gusht 2001 riktheu tensionet e mëdha dhe përleshjet në terren midis forcave qeveritare maqedonase dhe Ushtrisë Clirimtare Kombëtare.
“Një ditë para se të ndodhte kjo tragjedi, ne kishim përfunduar negociatat për Marrëveshjen e Ohrit, dhe kishte mbetur vetëm nënshkrimi solemn. Por u pa qartë se dikush dëshironte të minonte dhe të pengonte këtë proces”, ka deklaruar Buçkovski për gazetën “Fokus”, duke theksuar se ky sulm i ndërmarrë ndaj karvanit të Armatës së Maqedonisë ka qenë një nga episodet më të paqarta të konfliktit të vitit 2001.
Sipas tij, ky sulm është i ndërlidhur me likuidimin e një grupi me një krye një komandant të njohur të UCK-së në Shkup nga forcat e sigurisë (vrasja e komandant Telit) dhe humbja e jetës së ushtarëve maqedonas nga shpërthimi i një mine në afërsi të fshatit Luboten. (INA)
No comments:
Post a Comment