Pesë zjarre aktive janë të regjistruar në tërë territorin e Maqedonisë, ndërsa deri tani janë lokalizuar dy zjarre masive në Oktis të Ohrit dhe Shën Petkë të Shkupit.
Kjo bëhet e ditur sot përmes një komunikate nga Qendra për Menaxhim me Kriza (QMK).
Siç bëhet e ditur, një zjarr aktiv vijon në lokalitetin Bilak të Tanushës, por me intensitet më të ulët.
Zjarre aktive janë edhe në periferi të fshatit Radushë, ku për shuarjen e tij janë dërguar sot në mëngjes tre ekipe zjarrëfikësish. Flakët e zjarrit akoma po përhapen në fshatin Gurgurnicë, duke djegur disa hektarë të malit.
Zjarre të tjera janë regjistruar edhe në Maqedoninë Lindore dhe Jugore, ku bëhet e ditur për disa hektarë tokë dhe male të djegura. QMK ka bërë të ditur se po ndjek situatën në terren dhe se janë ndërmarrë të gjitha aktivitetet për lokalizimin e tyre. (INA)
No comments:
Post a Comment