Komisioni i Lustrimit në Maqedoni ka shpallur dy funksionarë aktual si bashkëpunëtor të shërbimeve sekrete.
Siç mëson agjencia e lajmeve INA bëhet fjalë për dy funksionarë lokal në nivel të komunave në Maqedoni, me ç`rast njëri është shqiptarë dhe anëtar i BDI-së, i punësuar si këshilltar në komunën e Bogovinës.
Personi tjetër i shpallur është këshilltar komunal në Gazi Babë të Shkupit, nga radhët e partisë VMRO-DPMNE. Për ta theksohet se kanë qenë bashkëpunëtor të shërbimeve sekrete gjatë periudhës së viteve të 70-ta.
Kryetari i Komisionit të Lustrimit, Tome Axhiev deklaroi se gati se të gjithë anëtarët kanë votuar për vendimin për shpalljen e dy personave si ish-spiunë. Sipas tij, së shpejti do të publikohen edhe emrat e tyre për opinionin.
Deri tani mbi 15 persona janë shpallur publikisht si bashkëpunëtor të shërbimeve sekrete në të kaluarën, kryesisht bashkëpunëtor të ish-UDB-së. (INA)
No comments:
Post a Comment