Partia VMRO-DPMNE e kryeministrit Nikolla Gruevski është deklaruar sot kundër veprimit të oficerëve të lartë të Armatës së Maqedonisë me vendosjen e kurorave të lules dhe homazheve në varrezat e dëshmorëve të UÇK-së në fshatin Sllupçan të Kumanovës.
"VMRO-DPMNE nuk pajtohet me aktin e djeshëm të vendosjes së kurorave të lules në përmendoren e UÇK-së, me praninë e personave të uniformuar të mbrojtjes së Maqedonisë. Akti i tillë aspak nuk reflekton politikat dhe qëndrimet politike të VMRO-DPMNE. Ngjarjet e tilla aspak nuk çojnë në rritjen e mirëbesimit midis qytetarëve të Maqedonisë", thuhet në reagimin e VMRO-DPMNE.
Oficerë të lartë të ARM-së dje në shoqërimin e ministrit të Mbrojtjes, Fatmir Besimi dhe zyrtarëve të lartë të Qeverisë bën homazhe në varrezat e dëshmorëve të UÇK-së në fshatin Sllupçan me rastin e 11 vjetorit të Marrëveshjes së Ohrit dhe përfundimit të konfliktit të armatosur të vitit 2001 në Maqedoni. (INA)
No comments:
Post a Comment